غزني پوهنتون د استادانو، تدریسي مدیرانو او د څانګو د اجرایه مدیرانو لپاره د لوړو زده کړو د معلوماتو مدیریت سیستم څخه د ګټې اخیستنې لارښوونې پروګرام دایر کړ
غزني پوهنتون د استادانو، تدریسي مدیرانو او د څانګو د اجرایه مدیرانو لپاره د لوړو زده کړو د معلوماتو مدیریت سیستم څخه د ګټې اخیستنې لارښوونې پروګرام دایر کړ.
پدغه پروګرام کې چې د غزني پوهنتون د محصلانو چارو مرستیال او معلوماتي تکنالوژي په تخنیکی همکاری د الکترونیکي زده کړو د کميتې په واسطه ترسره شو د یاد پوهنتون، د علمي او محصلانو چارو مرستیالانو، د پوهنځيو رئیسانو، د څانګو آمرینو، استادانو، تدریسې عمومي مدیرانو او د څانګو اجراییه مدیرانو ګډون درلود.
غونډه د قران عظیم الشان په مبارکو آیاتونو پیل شوه وروسته د غزني پوهنتون د الکترونیکي زده کړو د کمیټې مسؤل محترم پوهنیار محمد عالم انوری د یادې کمیټې د کړنو او پرګرامونو په اړه خبرې وکړې، ورپسې د غزني پوهنتون د محصلینو چارو مرستیال پوهنمل احمد رضا صالحي د یاد سیستم په اړه خپل چمتو کړي پریزنټیشن ګډونوالو ته وړاندې او اړوندې برخې یې تشریح کړې. وروسته محترم حفیظ الرحمن شهیدخیل د محصلانو چارو آمر او د یاد سیستم مسؤول خپل دگدون گزارش چی مخکی په قندهار پوهنتون کی دایر شوی وه حاضرینوته وړاندی کړل او سوالونه ته جواب ورکړه.
په پای کې معلوماتی سیستم په عملي ډول د پروګرام ګډونوالو ته تشریح او د دوي پوښتنو ته یې ځوابونه ورکړل.
یاده غونډه د علمی چارو مرستیال محترم پوهنمل محمد مسعود نیکنام جمع بندی او دعا کولو سره پای ته ورسیده.
پوهنتون اختتام یافت.
