غزني پوهنتون عمومي رئیس د محصلینو ستونزو ته د رسېدنې او د ازموینو د روان بهیر ارزونې په موخه د ازموینو له صحنو څخه لیدنه ترسره کړه.
د غزني پوهنتون عمومي رئیس شیخ مولوي عبدالمالک محسن د محصلینو ستونزو ته د رسېدنې، د ازموینو د روان بهیر د ارزونې او شفافیت په موخه د ازموینو له صحنو څخه لیدنه ترسره کړه.
د دغي لیدنې پرمهال شیخ صاحب د ازموینو په صحنو کې د شفافیت، نظم او د محصلینو د اسانتیاوو وضعیت له نږدې وڅېړه او ډاډ یې څرګند کړ؛ چې ازموینې د ټاکل شوې تګلارې سره سمي، عادلانه او منظم جریان لري. همدارنګه یې له استادانو او محصلینو سره مستقیمې خبرې وکړې او د هغوی نظرونه، ستونزې او وړاندیزونه یې واورېدل. او ټینګار یې وکړ چې د محصلینو مشروع غوښتنې او ستونزې به په جدي ډول ارزول کېږي او د سمون لپاره اړین ګامونه پورته کېږي.
په ورته مهال رئیس صاحب د ادارې د ژمنتیا ډاډ ورکړ او وویل چې د ازموینو د سیسټم د لا ښه والي، شفافیت لوړولو او د محصلینو د علمي پرمختګ لپاره هلې ځلې روانې دي.او یادونه یې وکړه چې دا ډول څاریزې لیدنې به دوام ولري، څو د ازموینو بهیر په بشپړ ډول اغېزمن، معیاري او د محصلینو د خوښۍ وړ ترسره شي.
د یادې لیدنې پایله کې شیخ صاحب د ازموینو په ساحو کې اړونده ټیمونو ته د چلند د اصولو مراعت، د نظم ټینګښت او د محصلینو د اسانتیاوو په پام کې نیولو باندې ټینګار وکړ.
د نشراتو او عامه اړیکو عمومي مدیریت
چهارشنبه ، ۵ جمادی الثانی ۱۴۴۷ هـ.ق— ۵ قوس ۱۴۰۴ هـ.ش
