د غزني پوهنتون عمومي رئیس د تدریسي او اداري چارو د منظموالې او چټکتیا په موخه د پوهنځیو او اداري کارکوونکو له حاضریو څخه نظارت او ارزونه ترسره کړه.
د غزني پوهنتون عمومي رئیس شیخ مولوي عبدالمالک محسن د پوهنتون د علمي او اداري چارو د ښه تنظیم، د کارکوونکو د حاضریو ارزونې او د تدریسي بهیر د لا ښه والي په موخه د پوهنتون د ټولو پوهنځیو او اداري کارکوونکو له حاضریو څخه لیدنه او نظارت ترسره کړ.
د یادې لیدنې پر مهال په پوهنځیو کې د استادانو او د مالي او اداري چارو معاونیت اړوند د اداري کارکوونکو د حاضریو حاضریو، کنټرول ترسره شو.
په ورته مهال عمومي رئیس د پوهنتون د ورځنیو او تدریسي چارو د لا ښه تنظیم، وظیفوي مسئولیتونو پر وخت ترسره کولو او د محصلمحوره خدماتو پر پیاوړتیا ټینګار وکړ او د پوهنځیو رئیسانو ته يې د مسؤلیتونو او تدریسي بهیر پر لا پیاوړتیا باندې لازمې سپارښتنې وکړې.
باید وویل شي چې د غزني پوهنتون مسؤلین د علمي، تدریسي او اداري چارو د ښه والې او ودې په موخه وخت په وخت د حاضریو کنټرول او ارزونه ترسره کوي.
د نشراتو او عامه اړیکو عمومي مدیریت
چار شنبه
۱۴۴۷/۱۲/۱۷هـ.ق
۱۴۰۵/۰۳/۱۲هـ.ش
۲۰۲۶/۰۶/۳م
