غزني پوهنتون کې د شهید امیرالمؤمنین ملا اختر محمد منصور (تقبله الله) د شخصیت، زعامت او کارنامو په اړه علمي سمینار وړاندې شو.
غزني پوهنتون کې د محصلانو چارو معاونیت له لوري د علمي او فکري برنامو د لړۍ په دوام، د شهید امیرالمؤمنین ملا اختر محمد منصور (تقبله الله) د شخصیت، زعامت، سیاسي بصیرت او تاریخي کارنامو د معرفي کولو په موخه علمي او معلوماتي سمینار ترسره شو.
په دغه سمینار کې د پوهنتون مسؤلینو، استادانو، اداري کارکوونکو او ګڼ شمېر محصلینو ګډون کړی و.
چې د پیل پرمهال یې د محصلانو چارو مرستیال مفتي عزت الله نوري د شهید ملا اختر محمد منصور (تقبله الله) ژوند، مبارزاتي مخینه، فکري ځانګړتیاوې او د اسلامي نظام د پیاوړتیا لپاره د هغه د هڅو په اړه معلومات وړاندې کړل؛ او نوموړی یې د افغانستان په معاصر تاریخ کې یو اغېزناک، مدبر او باعزمه مشر وباله، چې د هېواد د خپلواکۍ، اسلامي ارزښتونو او ملي حاکمیت د ساتنې لپاره یې مهم رول ادا کړی دی.
همداراز د شرعیاتو پوهنځي استاد پوهندوی احسان الله شهامت، د شهید منصور (تقبله الله) پر ژوندانه، سیاسي لیدلوري، د هېواد د آزادۍ لپاره د هغه د مبارزې، د اسلامي ارزښتونو د ترویج او د ټولنیز یووالي په برخه کې د ترسره شویو خدمتونو باندې چمتو کړی پریزیڼېشن وړاندې کړ؛ او دارنګه یې د سمینار ګډونوالو ته د هغه رهبرۍ ځانګړنې بیان کړې چې د ستونزمنو شرایطو پر مهال یې د اسلامي امارت د صفونو په انسجام، مبارزې او د هغه د خپل زعامت پر مهال له بېلابېلو ننګونو سره په حکمت، صبر او قوي مدیریت مقابله کولو او د اسلامي نظام د اهدافو د تحقق لپاره یې نه ستړې کېدونکو هلو ځلو باندې یې معلومات وړاندې کړل.
د یادونې وړده چې د هیواد په زیاتره پوهنتونونو کې د شهید امیرالمؤمنین ملا اختر محمد منصور تقبله الله په ژوند، کارنامو او د ده په سیاسي کړنو باندې ورته علمي سمینارونه دائر شوي ؤ.
د نشراتو او عامه اړیکو عمومي مدیریت
سه شنبه
۱۴۴۷/۱۲/۳۰ هـ.ق
۱۴۰۵/۰۳/۲۶ هـ.ش
۲۰۲۶/۰۶/۱۶ م
