غزني پوهنتون کې د لوړو زده کړو وزارت د اتمې ګڼې رهبري شورا د پرېکړو پر وخت او اغېزمن تطبیق په موخه ناسته ترسره شوه.
غزني پوهنتون کې د رهبري غړو د لوړو زده کړو وزارت د اتمې ګڼې رهبري شورا د پرېکړو د اغېزمن او منظم تطبیق په موخه ځانګړې ناسته ترسره کړه.
یاده ناسته چې د پوهنتون د رهبرۍ په کچه جوړه شوې وه، پکې د پوهنتون عمومي رئیس، مرستیالانو، د پوهنځیو رئیسانو او اړوندو مسؤلینو ګډون کړی و. د ناستې موخه د لوړو زده کړو وزارت له لوري د صادر شویو پرېکړو هر اړخیزه ارزونه، د تطبیق څخه یې د اطمینان حاصلېدل، او د چارو د لا چټکتیا لپاره د لازمې همغږۍ رامنځته کول وو.
په ورته مهال عمومي رئیس شیخ مولوي عبدالمالک محسن وویل چې د لوړو زده کړو وزارت ټولې پالیسۍ او پرېکړې، پر خپل وخت او ښه ډول تطبیق او راپور یې له وزارت مقام سره شریک شي.
وروسته د علمي چارو مرستیال د وزارت مقام د اتمې ګڼې رهبري شورا پرېکړي له ګډونوالو سره شریکي او د علمي، اداري او محصل محوره خدمتونو د ښه والي، شفافیت، حساب ورکونې، د تدریسي کیفیت لوړونې، او د پوهنتون د کاري بهیر په لا پیاوړتیا باندې یې ټینګار وکړ.
د نشراتو او عامه اړیکو عمومي مدیریت
نېټه: شنبه
۱۴۴۷هـ.ق، ذوالقعدة الحرام ۸ مه
۱۴۰۵هـ.ش، ثور ۵ مه
۲۰۲۶م، اپریل ۲۵ مه
