غزني پوهنتون کې د مالي او تدارکاتي کمېټې ناسته ترسره او د راتلونکې ۱۴۰۵ مالي کال د نیازمندۍ د ترتیب ترڅنګ په یو لړ مهمو موضوعاتو بحث او لازمې پریکړې ترسره شوې.
غزني پوهنتون کې د مالي او تدارکاتي کمېټې ناسته د مالي او اداري چارو د مرستیال الحاج شیخ عبدالهادي ذوالهادي په مشرۍ د پوهنځیو د رئیسانو، مالي او تدارکاتي مسؤلینو او اړوندو غړو په ګډون ترسره شوه.
د ناستې په پیل کې شیخ صاحب ګډونوالو ته د ښه راغلاست ویلو ترڅنګ په چارو کې د مشورې کولو په ارزښت او اهمیت خبرې وکړې او زیاته یې کړه چې د پوهنتون مالي او تدارکاتي چارې باید د اصولو او د لوړو زده کړو وزارت د لارښوونو له مخې ترسره شي، څو د خدمتونو کیفیت لا لوړ، د بېځایه مصارفو مخنیوی او د پوهنتون پرمختیایي موخې په بریالیتوب سره تر لاسه شي.
په ننۍ ناسته کې د اجنډا سره سم د راتلونکې ۱۴۰۵ مالي کال لپاره د پوهنتون د اړتیاوو ارزونه، د بودجې د تنظیم او لومړیتوبونو ټاکلو په ګډون، د پوهنتون د عایداتي سرچینو په زیاتوالي او یو شمېر مهمو او متفرقه موضوعاتو مفصل بحث او لازمې پریکړې ترسره شوې.
د نشراتو او عامه اړیکو عمومي مدیریت
نېټه: شنبه
۱۴۴۷هـ.ق، رمضان المبارک ۴ مه
۱۴۰۴هـ.ش، حوت ۲ مه
۲۰۲۶م، فبروري ۲۱ مه
