غزني پوهنتون

غزني پوهنتون د یوه علمي بنسټ په توګه خپلو امکاناتو او فرصتونو ته په پام سره د هېواد په کچه د لیسانس تر درجې پورې د ځوانو علمي او مسلکي کادرونو روزلو ته چې یوه ملي او اسلامي اړتیا ده ژمن دی. یاد پوهنتون په دې لړ کې لاندې ټکو ته جدي پاملرنه کوی

دغزنی پوهنتون رییس پیغام

2 میاشتې ago

د غزني پوهنتون د رياست پیغام

زمونږ په هيواد کې د عصري لوړو او مسلکې زده کړو، د پیل څخه نهه لسیزې تيريږي، خو د غزني پوهنتون په اتمه لسیزه کې په دغه بهیر ورګډ شوی دی. په ۱۳۸۷ هجري شمسي کال کې يې د بنسټ ډبره ښودل شوي او  له هغه وخته څخه را په دي خوا د علومو په بیلابیلو برخو کې د هيوادوالو په چوپړ کې دی. ددغې لسیزې د پیل څخه را پدي خوا د علومو په بیلابیلو برخو کې  هر کال په پوهه ، فن او ملي روحیه  سمبال ځوانان د هيواد او خلکو  خدمت لپاره ټولنې ته وړاندي کوي.

په تاريخي لحاظ د غزنويانو ویاړلي تاريخ ته په کتو څه دپاسه زر کاله له مخه  د غزنوي امپراتوري په زړه کې په مدارسو کې د بیلابیلوعلومو او فنونو په برخه کې وياړلي متخصص کادرونه او څیړونکي  روزل کيدل، نه یوازي دا چې د غزنویانو  لويي امپراتورۍ لمنې به د هغوی د علم او فن په ډیوو روښانه کيدلي، بلکې د فارس، بخارا نامتو شخصیتونه ددغه دربار د ویاړلو پلوشو محصول دي.

پورته ټکيو او د علومو په برخه کې اوسني چټک پرمختګ ته په کتو سره مونږ د نړیوال او سیمه ايزې پوهې د کاروان څخه يو مزل شاته پاتي يو، چې دغه مزل یوازي په کلکو او چټکو ګامونو  او زیار ګاللو سره را لنډیدلی شي.  په دغه لاره کي مونږ او تاسو ټول مسئوليت لرو، خو د ځوانانو هلې ځلې د  ځوان پوهنتون په چوکاټ کې د هیواد دې هر وګړي د هیلو او امیدونو د پوره کيدوغوټۍ زرغونوي، دغه  نه ستړيدونکې هڅې به  نوی رنګ راوړي. ولس او ټولنې ته به دبسیا راتلونکې زیري له ځان سره زمزمه کوي.

زما لپاره دا ډیر د خوښۍ ځای دی، چې د غزني پوهنتون په انګړ کې مي ددغه ولايت دبيلابیلو  وروڼو قومونو د ځوانو خویندو وروڼو ترڅنګ د هيواد د هرې سیمې څخه د علم او پوهې وږي ځوانان تر سترګو کيږي او د یو واحد افغانستان تلپاتي مينه مې پري ماتیږي. ډیر به لري نه وي چې يوه ورځ به د هيواد د پولو ها خوا دسیمې او نړۍ څخه محصلین او علمي کادر غړي ولرو.

د غزني پوهنتون مشرتابه پلاوی، استادان او منسوبین ټولو هيوادوالو په ځانګړي توګه لوړو صالحه مقاماتو ته ډاډ ورکوي، چې دغه پوهنتون به داسلامی، ملي ارزښتونو،  ملي ستراتيژي او لوړو زده کړو وزارت پالیسۍ په رڼا کې د موجوده ناورینونو ( کرونا، جنګ او فقر... .) او نورو ستونزو سره سره هغو موخو ته رسوو، د کومو په موخه چې دغه پوهنتون جوړ شوي او ولسونه ترينه تمه لري.

په ملي او اسلامي مينهPIcture

ستاسو خدمتګار

پوهنوال محمد بایر درمل

د غزني پوهنتون رئیس

Latest announcementsAll announcements

سه‌شنبه ۱۳۹۹/۸/۱۳ - ۹:۲۱
Background image

پيام رهبري پوهنتون غزني در باره حمله بر پوهنتون كابل

د کابل په پوهنتون باندي د نن ورځي ترخي ناځوانمردانه ترورستي  حملي  له امله د غزني پوهنتون د رهبري هیئت منسوبینو او محصلینو په استازیتوب خپل خپګان د لوړو زده کړو رهبري هیئت د کابل . . .

تازه خبرونهنور دلته

جمعه ۱۴۰۰/۲/۱۰ - ۱۴:۵۹
Background image

کمپاین نهال شانی

غزني پوهنتون کې د نیالګیو کینولو دکمپاین په دوام نن شنبه ورځ د١٤٠٠ ه .ل. کال د غویي میاشتې په ۴، یو شمېر مرسل ګلانو د ښوونې او روزنې پوهنځي د کیمیا څانګی د دریم ټولګی محصلانو له خوا. . .