غزني پوهنتون کې د علماء کرامو د ثانويه او مافوق ثانويه درجو د تثبیت سویې ازموینې لپاره د بایومټریک ثبت او د کارتونو د وېش پروسه په منظم او ټاکلي وخت پیل شوه.
غزني پوهنتون کې د ازموینو ملي ادارې او د یاد پوهنتون د مسؤلینو په همغږۍ د علماء کرامو د ثانويه او مافوق ثانويه درجو د تثبیت سویې ازموینې لپاره د ګډونوالو د بایومټریک ثبت او د ازموینې کارتونو د وېش پروسه په منظم او ټاکل شوي وخت پیل شوه.
په دغه پروسه کې شاو او خوا ۴۴۴ تنه علماء کرامو نوملیکنه کړې وه چې نن ورځ یې د ازموینو ملي ادارې څخه د راغلي تخنیکي ټیم او د غزني پوهنتون د مسؤلینو په همغږۍ د دغې پروسې د بایومټریک ثبت او د کارتو وېش ترسره کیږي.
د یادونې وړ ده چې د بایومټریک د ثبت او کارتونو د وېش پروسې وروسته به یاده ازموینه د ۱۴۰۴هـ ش کال د دلوې یا سلواغې میاشتې په ۲۴ مه نېټه د جمعې په ورځ ترسره شي.
د نشراتو او عامه اړیکو عمومي مدیریت
نېټه: پنج شنبه
۱۴۴۷هـ.ق، د شعبان ۲۴ مه
۱۴۰۴هـ.ش، د دلوې ۲۳ مه
۲۰۲۶م، د فبروري ۱۲ مه
