د غزني پوهنتون د عمومي کتابخانې په چوکاټ کې د کمپیوټر ساینس پوهنځی د محصلینو له لوري آنلاین کتابخانه جوړه او نن ورځ یې د پرانیستي مراسم ترسره شول.
دوشنبه : ۲۵/ربیع الثاني/۱۴۴۶ه.ق
۷/عقرب/۱۴۰۳ه.ش
۲۸/اکټوبر/۲۰۲۴م
د غزني پوهنتون د عمومي کتابخانې په چوکاټ کې د دغه پوهنتون د کمپیوټر ساینس پوهنځی د محصلینو له لوري انلاین کتابخانه جوړه او نن ورځ یې د پرانیستي مراسم ترسره شول. د آنلاین کتابخانې د پرانیستي مراسمو پرمهال د کتابخانې عمومي مدیر اسدالله منصور خوښي څرګنده کړه او دغه کړنه یې د پوهنتون یوه لویه لاسته راوړنه وبلله او ویې ویل چې د دغه کتابتون په جوړېدو به محصلینو او استادانو ته ډیري اسانتیاوي رامنځته او ترڅنګ به یې محصلین وتوانیږي چې په کمه موده کې د کتابونو د مطالعې ترڅنګ به د ضرورت وړ کتابونه هم ډانلوډ کړي.
ورپسې د کمپیوټر ساینس پوهنځي رئیس پوهنیار جاوید احمد نیازي د آنلاین کتابخانې د تخنیکي برخي اړوند معلومات وړاندي کړل او استادانو او د پوهنتون اداري کارکوونکو او محصلینو ته یې آنلاین کتابتون ته د داخیلېدو او د کتابونو په ډانلوډ او کتابتون ته د کتابونو په آپلوډ باندي په عملي بڼه معلومات وړاندي کړل.
د نشراتو او عامه اړیکو عمومي مدیریت
