غزني پوهنتون کې د علمي شورا نوبتي ناسته ترسره؛ او د محصلینو د حقوقو، استازیتوب او تګلارو تائیدي ترڅنګ په یو شمېر مهمو موضوعاتو بحث او لازمې پریکړې ترسره شوې.

غزني پوهنتون کې دعلمي شورا نوبتي ناسته د علمي چارو د مرستیال مولوي محمد حیدر حمزه په مشرۍ ترسره شوه، چې پکې د یادې شورا ټولو غړو ګډون درلود.
ناسته د قرآن کریم د مبارکو آیتونو په تلاوت سره پیل شوه، ورپسې د یاد معاونیت مرستیال مولوي محمد حیدر حمزه د وخت پر ارزښت خبرې وکړې. نوموړي د شورا له غړو وغوښتل چې ناستې ته په خپل وخت حاضر شي، څو د چارو بهیر لا چټک، منظم او اغېزمن پر مخ ولاړ شي.
وروسته د تېرې ناستې د اجنډا پر پرېکړو لنډه کتنه او ارزونه وشوه؛ او د نوې اجنډا له مخې د مالي او اداري چارو معاونیت د ۱۴۰۵هـ ش مالي پلان د څېړنو او علمي مجلې معاونیت د ۱۴۰۵هـ ش کاري پلان، د رواني مشاورې مرکز تجهیز، د محصلینو د حقوقو، استازیتوب او تګلارو تائید، د پوهنتون د عمومي کتابتون له پاره د مشورتي بورډ جوړولو او څو تنو استادانو د علمي ترفیعاتو دوسیو تائیدي تر څنګ په یو شمېر مهمو علمي او اداري موضوعاتو هر اړخیز بحثونه او لازمې پرېکړې وشوې.

د نشراتو او عامه اړیکو عمومي مدیریت 
سه شنبه
١٤٤٧/١٢/٢هجری قمری
۲۹ ثور ۱۴۰۵ هجری شمسی
۱۹ می ۲۰۲۶ میلادی