غزني پوهنتون کې د کرنې پوهنځي محصلینو ته د شاګرد محورۍ ترعنوان لاندې یو ورځنی معلوماتي سیمینار ترسره شو.
غزني پوهنتون کې د محصلانو چارو معاونیت په نوښت، د کرنې پوهنځي ۱۲۰ تنو محصلینو ته د شاګرد محورۍ تر عنوان لاندې یو ورځنی معلوماتي سیمینار ترسره شو.
یاد سیمینار د کرنې پوهنځي استاد پوهندوی روح الله کمال له لوري وړاندې شو. چې پرمهال له محصلینو سره د شاګرد محورې زده کړې پر پېژندنه او اهمیت هر اړخیز معلومات شریک کړل او ویې ویل چې په یاد میتود کې محصل د زده کړې د بهیر محور ګڼل کېږي او استاد د لارښود رول لري.
او زیاته یې کړه چې دا ډول تدریسي لارې چارې د محصلینو د تفکر، تحلیل او عملي مهارتونو په وده کې مهم رول لوبوي او کولی شي د زده کړې کیفیت لوړ کړي.
محصلینو د یاد سیمینار هرکلی وکړ او زیاته یې کړه چې دا ډول پروګرامونه د دوی د علمي ظرفیتونو په لوړولو کې ګټور تمامېږي.
د نشراتو او عامه اړیکو عمومي مدیریت
نېټه: دوشنبه
۱۴۴۷هـ.ق، ذوالقعدة الحرام ٣ مه
۱۴۰۵هـ.ش، حمل ٣١ مه
۲۰۲۶م، اپریل ٢٠ مه
