د غزني پوهنتون د تضمین کیفیت دوهم پړاو ارزونه ترسره شوه
د غزني پوهنتون د تضمین کیفیت دوهم پړاو ارزونه ترسره شوه
د لوړو زده کړو وزارت اړوند د تضمین کیفیت ریاست لخوا د پوهنمل محمدامین احمدزي په مشرۍ، چې دکتور داود احمدزي او پوهنیار ذاکرالله فایق یې ملتیا کوله د روان کال د غبرګولې میاشتې له ٢٢ مې نېټې سره سم یې د لسو ورځو په ترڅ کې د غزني پوهنتون د بېلابېلو برخو څخه لیدنې وکړې او د تضمین کیفیت د لوړاوي او باور مندۍ له مخې یې په بشپړ ډول ارزونه ترسره کړله.
د غزني پوهنتون رهبري غړي دلوړو زده کړو محترم وزارت له راغلي پلاوي څخه دزړه له تله مننه کوي، چې د ځانګړي احساس له مخې یې یاد پوهنتون ته د ارزونې په موخه تشریف راوړی و . دغه راز د پوهنتون له ټولو اکاډمیکو غړو او اداري کارکوونکو څخه هم مننه کوي، چې د تضمین کیفیت په برخه کې یې د خپل توان په اندازه خپلې هڅې په ښه توګه تر سره کړي.
