غزني پوهنتون کې د لیلیې شورا ناسته ترسره؛ او د محصلینو ستونزو او اړتیاوو ته رسېدنې باندې بحث او خبرې اترې وشوې.
غزني پوهنتون کې د لیلیې شورا مهمه ناسته د یادې شورا د ټولو غړو په ګډون ترسره شوه. په دې ناسته کې د لیلیې د اوسېدونکو د ستونزو، اړتیاوو او د ژوند د شرایطو د ښه والي په اړه هر اړخیز بحث وشو.
د غونډې په پیل کې د لیلیې عمومي مدیر د اوسني وضعیت په اړه راپور وړاندې کړ او ویې ویل چې د محصلینو لپاره د مناسب چاپېریال برابرول د دوی له لومړیتوبونو څخه دي.
وروسته د شورا غړو پریکړه وکړه چې د شته امکاناتو په چوکاټ کې به د محصلینو د ستونزو د حل لپاره عملي ګامونه پورته شي.
د نشراتو او عامه اړیکو عمومي مدیریت
نېټه: یکشنبه
۱۴۴۷هـ.ق، شوال المکرم ١٨ مه
۱۴۰۵هـ.ش، حمل ۱۷ مه
۲۰۲۶م، اپریل ٥ مه
