غزني پوهنتون کې د دیني او جهادي مدارسو د عالیه او عالمیه دورو کلنۍ ازموینې د ترسراوي په موخه د بایومټریک بهیر په منظم ډول پیل شو.
غزني پوهنتون کې د مدیره هیئت او د یاد پوهنتون د مسؤلینو په شتون کې د دیني او جهادي مدارسو د عالیه او عالمیه دورو د کلنۍ ازموینې د ترسراوي په موخه د بایومټریک لړۍ په منظم ډول پیل شوه.
یاده پروسه د لوړو زده کړو وزارت د دیني جامعاتو او تخصصاتو ریاست په لارښوونه او د ولایاتو د پوهنتونونو په همغږۍ پلي کېږي، چې موخه یې د ازموینو د شفافیت تأمین، د درغلیو مخنیوی او د واقعي ګډونوالو تثبیت دی؛ د دغي پروسې له لارې د ازموینې د ټولو ګډونوالو معلومات په یاده ازموینه کې د ګډون په موخه ثبتېږي.
په ورته مهال د غزني پوهنتون مسؤلینو وویل، چې د بایومټریک سیستم عملي کېدل د ازموینو پر کیفیت مثبت اغېز لري او د دیني زده کړو د نظام پر اعتبار به نور هم ټینګښت راولي. هغوی زیاته کړه، چې د ازموینو ټول پړاوونه به د ټاکل شوو اصولو او طرزالعملونو له مخې پر مخ ولاړ شي.
باید وویل شي چې د بایومټریک پروسې د ختم سره سم به د ۱۴۴۷ هـ ق کال د رجب المرجب میاشتې پر ۶ نېټه د یادې ازموینې بهیر پیل شي.
د نشراتو او عامه اړیکو عمومي مدیریت
سهشنبه ، ٢ رجب المرجب ۱۴۴۷ هـ.ق— ٢ جدې۱۴۰۴هـ ش
