د غزني پوهنتون عمومي رئیس او ورسره پلاوي د خزاني سیمیستر د وروستیو ازموینو له روان بهیر څخه لیدنه وکړه.
ورځ او نېټې: دوشنبه
هجري قمري: ۱۴ جمادی الثاني ۱۴۴۶
هجري شمسي: ۲۶ قوس ۱۴۰۳
میلادي: ۱۶ دسمبر ۲۰۲۴
نن ورځ د غزني پوهنتون عمومي رئیس الحاج مولوي عبدالواسع منصور او ورسره پلاوي؛ د دغه پوهنتون د خزاني سیمیستر د وروستیو ازموینو له روان بهیر څخه لیدنه وکړه.
د دغي لیدني پرمهال یې له اړوندو مسؤلینو څخه په امتحاناتو کې د شفافیت او له محصلینو څخه د جعل کارۍ نه د مخنیوي غوښتنه وکړه، او همدارنګه محصلینو ته یې وویل چې پرته له ویري او تشویش څخه خپلو ازموینو ته ادامه ورکړي او د ازموینو لپاره په منظم ډول اماده ګې ونیسي.
باید وویل شي چې د لوړو زده کړو وزارت د هدایت په اساس په ټولو سړو سیمو کې د قوس ( لیندۍ) میاشتي په ۱۵ مه نېټه د خزاني سیمیستر وروستۍ ازمویني پیل شوې، چې د مهالوېش له مخي دا مهال په منظم ډول رواني دي.
د نشراتو او عامه اړیکو عمومي مدیریت
