غزني پوهنتون د علمي چارو معاونیت ته د لوړو زده کړو وزارت له لوري مولوي محمد حیدر حمزه د علمي چارو مرستیال په حیث معرفي او نن ورځ یې په دنده پیل وکړ.
سه شنبه : ۲۶/ربیع الثاني/۱۴۴۶ه.ق
۸/عقرب/۱۴۰۳ه.ش
۲۹/اکټوبر/۲۰۲۴م
نن ورځ د غزني پوهنتون علمي چارو معاونیت ته د لوړو زده کړو وزارت له لوري مولوي محمد حیدر حمزه د علمي چارو مرستیال په حیث معرفي او په دنده یې پیل وکړ په همدې پار جوړو شو مراسمو کې د غزني پوهنتون عمومي رئیس الحاج مولوي عبدالواسع منصور ښاغلي حمزه ته د ښه راغلاست او مبارکي ترڅنګ په چارو کې د الله ج له دربار نه د بریا غوښتنه وکړه او راغلي معاون ته یې په چارو کې د هر ډول همکاري ډاډ یې ورکړ او ویې ویل چې د علمي چارو معاونیت د پوهنتون په سطحه یو مهم، اکاډمیک او ضروري بست دي باید چې پوهنتون، استادانو او محصلینو ته په منظمه توګه کار وشي او خپلي چاري د الهي قانون او شریعت په رڼا کې د پاک نیت، اخلاص او قوي ارادې له مخي سرته ورسوي.
ورپسې د علمي چارو مرستیال مولوي محمد حیدر حمزه د پوهنتون له رهبري څخه د منني ترڅنګ ورسپارل شوي چاري یو الهي مسؤلیت وبلل او د پوهنتون له رهبري، استادانو څخه یې د پوره پوره همکاري غوښتنه وکړه او زیاته یې کړه چې زه په داسي نیت راغلي یم چې په ورځ او شپه به ستاسي خدمت کوم او د هر استاد له حقوقو څخه به کلکه دفاع کوم او هدف یې په پوهنتون کې د استعدادونو را ژوندي کول او له استعدادونو څخه کار اخیستل دي او په اخیر کې یې غوښتنه وکړه چې باید د وزارت او پوهنتون له لوري د وضع شویو قوانینو او مقرارتو له مخي به خپلي چاري مخته وړو.
د نشراتو او عامه اړیکو عمومي مدیریت
