غزني پوهنتون کې مسؤلینو ته د ۱۴۰۵ هـ ش کال د تطبیقي پلان د پراختیا په موخه د نظر غوښتنې او تشریح سمینار ترسره شو.
غزني پوهنتون کې د ستراتیژیک پلان کمېټې له لوري مسؤلینو ته د ۱۴۰۵ هـ ش کال لپاره د تطبیقي پلان د پراختیا، اغېزمنتیا او اصلاح په موخه، د نظر غوښتنې او تشریح سمینار ترسره شو.
د یاد سمینار موخه د پوهنتون د تطبیقي پلان تشریح او د ۱۴۰۵ هـ ش کال لپاره د تطبیقي پلان په اړه د مسؤلینو د نظرونو اخیستل او د عملي کېدو لپاره یې د روښانه تګلارې وړاندې کول وو.
د سمینار پیل د قرآنکریم په مبارکو آیتونو سره وشو.
وروسته د ستراتیژیک پلان کمېټې مسؤل ښاغلي استاد پوهندوی محمد مسعود نېکنام د پوهنتون د ۱۴۰۵هـ ش کال د تطبیقي پلان، اهداف، شاخصونه او لومړیتوبونه په تفصیل سره تشریح کړل. چې په دغه پلان کې د تدریس د کیفیت لوړول، د څېړنو پراختیا، د زیربناوو ښه کول او د محصلینو د خدماتو پیاوړتیا هغه مهم موارد وو چې پرې تمرکز شوی و.
د سمینار په اخیر کې د علمي چارو مرستیال مولوي محمد حیدر حمزه له ټولو اړوندو مسؤلینو څخه غوښتنه وکړه چې د پوهنتون اهدافو ته د رسېدو په موخه باید هریو د خپلي برخې وړاندیزونه او غوښتنې له موږ سره شریکي کړي څو یې په یاد پلان کې ځای پر ځای کړو او پلان د تطبیق په موخه د پوهنتون مربوطو شعبو ته تکثیر کړو.
د نشراتو او عامه اړیکو عمومي مدیریت
نېټه: دوشنبه
۱۴۴۷هـ.ق، شوالمکرم ۱۹ مه
۱۴۰۵هـ.ش، حمل ۱۷ مه
۲۰۲۶م، اپریل ۶ مه
