غزني پوهنتون کې د شرعیاتو پوهنځي د استادانو د تدریس کیفیت ارزونې په موخه د محصلینو له درسې ټولګیو څخه نظارت ترسره شو.
د غزني پوهنتون عمومي رئیس شیخ مولوي عبدالمالک محسن د علمي چارو د لا ښه والي او د تدریسي کیفیت د لوړولو په موخه، د شرعیاتو پوهنځي د فقې او قانون او اسلامي ثقافت څانګو د استادانو د تدریسي کیفیت ارزونې او محصلینو د درسي بهیر هر اړخیز نظارت او څارنه ترسره کړه.
د یادې ارزونې پرمهال عمومي رئیس د ټولګیو تدریسي وضعیت، د استادانو د تدریس طریقه، د درسي موادو چمتووالی، د محصلینو ګډون او د زدهکړې عمومي فضا په دقیقه توګه وڅېړله.
او له محصلینو څخه غوښتنه يې وکړه چې په ټاکل شوي وخت درسي ټولګیو ته حاضر او له بې ځایه وخت تېرولو څخه ډډه وکړي.
د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، شوالمکرم ۱۴ مه
۱۴۰۵هـ.ش، حمل ۱۲ مه
۲۰۲۶م، مارچ اپریل ۱ اوله
