د غزني پوهنتون عمومي رئیس د شپږګونو پوهنځيو د استادانو او کارکوونکو د حاضریو له بهیر څخه د کنټرول په موخه نظارت او څارنه ترسره کړه.
د غزني پوهنتون عمومي رئیس شیخ مولوي عبدالمالک محسن، د پوهنتون د ورځنیو چارو او اداري نظم د لا ښه والي په موخه د شپږګونو پوهنځیو د استادانو او کارکوونکو له حاضریو څخه د ارزونې او کنټرول په موخه څارنه ترسره کړه.
په دغه څارنه کې، چې د پوهنتون د علمي او اداري انضباط د ټینګښت په موخه ترسره شوه، رئیس صاحب د هر پوهنځي د حاضریو د ثبت پروسه له نیږدې وکتله او څرګنده یې کړه چې د نظم، وختي حاضری او مسلکي ژمنتیا رامنځته کول د پوهنتون د پرمختګ او د زدهکړې د کیفیت د لوړوالي لپاره بنسټیز ارزښت لري. هغه زیاته کړه:استادان او کارکوونکي د پوهنتون علمي بنسټ جوړوي، او د هغوی پر وخت حضور او مسلکي مسؤلیت د زدهکړې فضا پیاوړې کوي.
همدارنګه، نوموړي اړوندو مسؤلینو ته لارښوونه وکړه چې د حاضریو سیستم باید په دوامداره توګه وڅارل شي، څو د نظم او عدالت اصل وساتل شي.
غزني پوهنتون د هیواد له مهمو علمي مرکزونو څخه دی چې د لوړ کیفیت زدهکړو د وړاندې کولو ترڅنګ، د اداري شفافیت او علمي نظم د ټینګښت لپاره عملي ګامونه اخلي.
د نشراتو او عامه اړیکو عمومي مدیریت
نېټه: شنبه
۱۴۴۷هـ.ق، د شعبان ۱۹ مه
۱۴۰۴هـ.ش، د دلوې ۱۸ مه
۲۰۲۶م، د فبروري ۷ مه
