غزني پوهنتون عمومي رئیس د اداري پرمختګ او کارونو د ودي په موخه د مالي او اداري چارو معاونیت او اړوندو آمریتونو د چارو ارزونه ترسره کړه.
د غزني پوهنتون عمومي رئیس شیخ مولوي عبدالمالک محسن د اداري پرمختګ او کارونو د ودي په موخه د مالي او اداري چارو معاونیت او اړوندو آمریتونو د کارونو ارزونه ترسره کړه.
د یادي ارزونې پرمهال ښاغلي محسن د دغه معاونیت په اهمیت خبري وکړې او زیاته یې کړه چې باید هر کارکوونکي د بیت المال ساتنې ته جدي پاملرنه وکړي.
وروسته یې د دغه معاونیت او اړوندو آمریتونو او عمومي مدیریتونو د اداري چارو د ارزونې ترڅنګ د زېربنایې پرژو، د کارکوونکو د حاضري، په پوهنتون کې د روانو پرژو څخه د نظارت او د پوهنتون د ودانیو، وسایطو او وسایلو د ساتنې په اړه یې هر اړخیزه ارزونه ترسره کړه. چې په پای کې د مالي او اداري چارو د مرستیال الحاج شیخ عبدالهادي ذوالهادي له لوري د دغه معاونیت اړوند ترسره شویو کړنو او لاسته راوړنو راپور یې ورسره شریک کړل؛ او دارنګه یې د ځینو ستونزو او غوښتنو یاداوري هم وکړه چې د عمومي رئیس له لوري ورته د ژر حل او ترسراوي ډاډ ورکړل شو.
د نشراتو او عامه اړیکو عمومي مدیریت
دوشنبه ، ۱۰ جمادی الثاني ۱۴۴۷ هـ.ق— ۱۰ قوس
۱۴۰۴ هـ.ش
