غزني پوهنتون کې استادانو ته، د امیرالمؤمنین حفظه الله تعالی ورعاه د فرمانونو، حکمونو او لارښوونو جریدې تدریس ترسره شو.

غزني پوهنتون کې د عمومي رئیس شیخ مولوي عبدالمالک محسن له لوري استادانو ته د امیرالمؤمنین حفظه الله تعالی ورعاه د فرمانونو، حکمونو او لارښوونو جریدې تدریس ترسره شو. 
د تدریس پر مهال شیخ صاحب د عاليقدر امیرالمؤمنین حفظه الله د فرمانونو، حکمونو او لارښوونو د ښه تطبیق په موخه هر اړخیز معلومات وړاندې کړل؛ او زیاته یې کړه چې د هېواد په علمي بنسټونو کې د اسلامي لارښوونو اغېزمن تطبیق د ټولنې د فکري روزنې لپاره اړین ګام دی. هغه ټینګار وکړ چې استادان باید د نصاب تر څنګ د اسلامي اصولو په روښانه تشریح کې مخکښ رول ولوبوي.
په پای کې ناسته د دعا په ویلو سره ختمه شوه، او ټینګار وشو چې د ذکر شویو لارښوونو علمي څېړنه، تدریس او تطبیق به د پوهنتون د اصلاحاتو په بهیر کې مهم رول ولري.

د نشراتو او عامه اړیکو عمومي مدیریت
یکشنبه ، ۹ جمادی الثانی ۱۴۴۷ هـ.ق— ۹ قوس ۱۴۰۴ هـ.ش