د غزني ولایت د سکتوري ریاستونو او مؤسساتو د همغږۍ په موخه جوړه شوې ناسته کې د غزني پوهنتون له لوري په زیربنایې او څېړنیزه برخه کې غوښتنې او وړاندیزونه شریک شول.
د غزني ولایت اقتصاد ریاست په مشرۍ د سکتوري ریاستونو او مؤسسو ترمنځ د لړ مهمو موضوعاتو د ترسراوي په موخه د همغږۍ ناسته ترسره شوه.
په یاده ناسته کې د غزني پوهنتون د علمې څېړنو د مرستیال پوهندوی دوکتور دریاخان هڅاند له لوري د یاد پوهنتون اړوند مهمې غوښتنې، اړتیاوې او وړاندیزونه له ګډونوالو سره شریک شول، ترڅو د پوهنتون د علمي، اداري او بنسټیز پرمختګ په برخه کې د شته ستونزو د حل او اړتیاوو د پوره کولو لپاره لازمې همکارۍ او همغږي رامنځته شي.
په دغو وړاندیزونو کې د مؤسساتو له لوري له پوهنتون سره په څېړنیزه برخه کې همکارۍ، د چاپېریال د سمسورتیا لپاره د اوبو شبکې جوړول، د محصلینو د عملي زده کړو لپاره د لابراتوارونو او د پوهنتون لپاره د مجهز کتابتون، په لیلیه کې د مېشتو محصلینو لپاره د صحي خدماتو فعالولو او د محصلینو د ترانسپورت ستونزو حل کولو غوښتنې شاملې وې.
په ورته مهال د مؤسساتو مسؤلینو له غزني پوهنتون سره په پورتنیو یادو برخو کې د هر ډول همکاریو ډاډ څرګند کړی؛ او زیاته یې کړي یې ده چې دوی هر وخت چمتو دي چې له غزني پوهنتون سره په ګډه یادې چارې مخته یوسي.
د نشراتو او عامه اړیکو عمومي مدیریت
سه شنبه
۱۴۴۸/۰۴/۰۲ هـ.ق
۱۴۰۵/۰۶/۲۴ هـ.ش
۲۰۲۶/۰۹/۱۵م
