غزني پوهنتون کې له استادانو، اداري او خدماتي کارکوونکو څخه د امربالمعروف او نهی عن المنکر قانون او د لمانځه د اقامې فرمان ازموینه ترسره شوه.
غزني پوهنتون کې د دعوت او ارشاد آمریت له لوري د اسلامي او اداري ارزښتونو د لا پیاوړتیا او د نافذه قوانینو د ښه تطبیق په موخه، له علمي کادر، اداري او خدماتي کارکوونکو څخه د امربالمعروف او نهی عن المنکر قانون او د لمانځه د اقامې فرمان ازموینه ترسره شوه.
یاده ازموینه د اړوندو مسؤلینو تر څارنې لاندې په منظم او شفاف ډول ترسره شوه، چې موخه یې د یاد قانون او فرمان د احکامو په اړه د استادنو او کارکوونکو د پوهاوي کچې ارزونه، د اسلامي ارزښتونو پیاوړتیا او په ورځنیو اداري چارو کې د هغو د عملي پلي کېدو زمینه برابرول وو.
باید وویل شي چې دغه قانون او فرمان د دعوت او ارشاد آمریت له لوري استادانو، اداري او خدماتي کارکوونکو ته له درساً ویلو وروسته یې نن ورځ عمومي ازموینه ترسره شو.
د نشراتو او عامه اړیکو عمومي مدیریت
دوشنبه
۱۴۴۸/۰۲/۱۹ هـ.ق
۱۴۰۵/۰۵/۱۲ هـ.ش
۲۰۲۶/۰۸/۰۳م
