د تاریخ څانګې ۱۹ تنه محصلینو د هېواد د تاریخي آثارو، لرغونو سیمو او کلتوري میراثونو د نیږدې لیدنې په موخه بامیانو ولایت ته درې ورځنی علمي سفر پیل کړ.

غزني پوهنتون د ښوونې او روزنې پوهنځي، د تاریخ څانګې ۱۹ تنو محصلینو د هېواد د تاریخي او کلتوري میراثونو د نیږدې پېژندنې او علمي مطالعې په موخه د بامیانو ولایت ته درې ورځنی علمي سیر پیل کړ.
د دغه علمي سفر موخه د بامیانو پوهنتون او د یاد ولایت له تاریخي آثارو، لرغونو سیمو او کلتوري ارزښتونو څخه لیدنه، د محصلینو د علمي پوهې پراختیا او د هېواد د تاریخي شتمنیو سره د هغوی د عملي بلدتیا پیاوړتیا ده.
ټاکل شوې ده چې ګډونوال محصلین به د بامیانو د پوهنتون له بیلابېلو برخو څخه د لیدنې ترڅنګ به د دغه ولایت مهم تاریخي او فرهنګي ځایونه وګوري؛ او همداراز به د دغو سیمو د تاریخي ارزښتونو په اړه معلومات راټول کړي او خپلې علمي تجربې به بډایه کړي.
په ورته مهال د محصلانو چارو مرستیال مفتي عزت الله نوري وویل چې د دغه سفر له تنظیم څخه یې موخه د محصلینو د مسلکي ودې، څېړنیزو وړتیاوو د پیاوړتیا او د ملي فرهنګي میراث د ساتنې د احساس د لوړول دي.
د یادونې وړ ده چې د محصلانو چارو معاونیت د منظم پلان له مخې تېره ورځ د ژبو او ادبیاتو پوهنځي ۱۹ تنه محصلینو،سید جمال الدین افغاني کونړ پوهنتون ته خپل علمي سفر ترسره کړ، چې د دغه دری ورځني علمي سیر پر مهال به د یاد پوهنتون له اړوندو برخو څخه لیدنه ترسره کړي.

د نشراتو او عامه اړیکو عمومي مدیریت
پنج شنبه
۱۴۴۷/۰۱/۰۹ هـ.ق
۱۴۰۵/۰۴/۰۴ هـ.ش
۲۰۲۶/۰۶/۲۵م