غزني پوهنتون کې د چاپېریال د زرغونتیا او ښکلا په موخه د سرسبزي کمېټې ناسته ترسره شوه.
غزني پوهنتون کې د مالي او اداري چارو معاونیت اړوند سرسبزي کمېټې ناسته ترسره شوه. یاده ناسته چې د دغي کمېټې د استازو په ګډون جوړه شوې وه، پکې د پوهنتون د چاپېریال د ښکلا او په دغه برخه کې د منظمو طرحو شریکولو په اړه هر اړخیز بحث ترسره شو.
د ناستې په پیل کې د مالي او اداري چارو مرستیال او د دغي کمېټې مسؤل الحاج شیخ عبدالهادي ذوالهادي د چاپېریال د ښکلا او سرسبزۍ د ارزښت په اړه خبري وکړې؛ او د حدیث شریف په ذکر کولو سره یې وویل چې د نیالګیو کېنول صدقه یې جاریه ده؛ او ټینګار یې وکړ چې د پوهنتون د چاپېریال په شینوالي کې باید هریو برخه واخلي.
وروسته له اجنډا سره سم د کمېټې د منشي، دایمې غړو په انتخاب، د کمېټې د مهالوېش، د دندو لایحه او د ۱۴۰۵هـ ش کال لپاره د کمېټې د پلان تائید او د پوهنتون د چاپېریال د ښکلا په برخه کې د غوره طرحو شریکولو ترڅنګ په متفرقه موضوعاتو هم بحث او لازمې پریکړې ترسره شوې.
د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، ذوالقعدة الحرام ۵ مه
۱۴۰۵هـ.ش، ثور ۲ مه
۲۰۲۶م، اپریل ۲۲ مه
