غزني پوهنتون کې د پنځو اداري بستونو لپاره د ازموینې د ترسراوي په موخه د ثبت شویو داوطلبانو د شارت لیست پروسه ترسره شوه.

غزني پوهنتون کې د مالي او اداري چارو د مرستیال، علمي چارو د مرستیال، د کارکوونکو چارو آمر، د ولایت مقام او اداري اصلاحاتو او ملکي خدمتونو د استازو له لوري د پنځو اداري بستونو لپاره د ثبت شویو داوطلبانو د شارت لیست پروسه په شفاف او منظم ډول ترسره شوه.
د یادې پروسې پرمهال د علمي چارو مرستیال مولوي محمد حیدر حمزه وویل چې دغه پروسه د ټاکل شوو اصولو او مقرراتو سره سم به په شفاف ډول ترسره او واجد شرایط نوماندان به په ازموینه کې داخل شي. 
همداراز د مالي او اداري چارو مرستیال الحاج شیخ عبدالهادي ذوالهادي وویل چې له یادې پروسې وروسته به ژر تر ژره د امتحان نېټه اعلان او د ازموينې پروسه به د اصولو او قوانینو سره سم په شفاف ډول ترسره شي.
او په یادو بستونو کې به مسلکي او په کارپوه کسان وګماري.
په ورته مهال دغزني پوهنتون مسؤلین ډاډ ورکوي چې د ازموینې پروسه به په بشپړه توګه شفافه وي .

د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، شوال المکرم ۲۱ مه
۱۴۰۵هـ.ش، حمل ۱۹ مه
۲۰۲۶م، اپریل ۸ مه