د غزني پوهنتون رهبري شورا نوبتي ناسته ترسره؛ او پکې د کارکوونکو لپاره د اضافه کاري منظم وېش لپاره د لایحې په جوړښت او شمېر مهمو موضوعاتوبحث او په اړوند یې لازمي پریکړي وشوې .
قمري نېټه: ذالحجه ۳۰، ۱۴۴۶ هـ.ق
لمريز نېټه: سرطان ۷، ۱۴۰۴ هـ.ش
مېلادي نېټه: جون ۲۸، ۲۰۲۵م
د غزني پوهنتون رهبري شورا نوبتي ناسته د یاد پوهنتون د عمومي رئیس الحاج مولوي عبدالواسع منصور په مشرۍ ترسره شوه؛ دغه مهمه ناسته د پوهنتون د اداري، علمي، او پرمختیايي چارو د ارزونې، همغږۍ او راتلونکو پلانونو د ترتیب په موخه ترسره شوه.
د ناستې پیل د قرآن پاک د مبارکو آیاتونو په تلاوت سره وشو.
ورپسې ښاغلي منصور د غونډې ګډونوالو ته ښه راغلاست او هرکلي وویل او دارنګه یې د تیري رهبری شورا پریکړو او موضوعاتو او ترسره شوو چارو ته لنډه کتنه وکړه.او د ترسره شویو پریکړو په تطبیق او هر یوه غړي ته د ورسپارل شوو چارو پر وخت او منظم ډول ترسراوي ټینګار وکړ.
وروسته د ناستې برخوالو، د اجنډا مطابق په پوهنتون کې د ۱۴۰۴ ه.ش کال د پسرلني جفت سمیستر د نهایې ازموینو د پیل لپاره د نېټې تعیین، د کارمندانو لپاره د اضافه کاري د وېش لپاره د لایحې ترتیب، د محصلینو د عملي کارونو او علمي سیرونو پر وخت ترسره کول، او HEMIS سیستم ته د محصلینو د شل سلنه ازموینو د نمرو پر وخت رسول، او د استادانو له لوري د محصلینو مونوګرافونو پر وخت کتنه او په اړوند یې لازمې لارښوونې، او په درسې ټولګیو کې د لازمو اسانتیاوو او څښاک اوبو برابرول، د زده کړیالانو ستونزو ته د رسیده ګي او حل په موخه د څانګو د آمرینو له لوري د منظمو ناستو ترسره کولو ترڅنګ په یو شمېر متفرقه او مهمو موضوعاتو هم بحث وشو او په اړوند یې لازمي پریکړي ترسره شوې.
ناسته په دعایې سره پای ته ورسېده.
د نشراتو او عامه اړیکو عمومي مدیریت
