د غزني پوهنتون د مالي او اداري چارو ناسته تر سره او د پوهنتون د چارو لاپرمختګ، نظم او شفافیت اړوند موضوعاتو پکي بحث او لازمي پریکړي وشوې.
ورځ: یکشنبه
۲۴ شعبان المعظم ۱۴۴۶ه ق
۵ کب ۱۴۰۳ه ق
۲۳ فبروري ۲۰۲۵ م
نن د غزني پوهنتون د مالي او اداري چارو ناسته د مالي اداري چارو د مرستیال مولوي محمد جاوید خالد په مشرۍ تر سره شوه، چې د یاد معاونیت ټولو اداري کارکوونکو پکې ګډون درلود.
ناسته د قرآن کریم د مبارکو آیتونو په تلاوت سره پرانیستل شوه. ورپسې مولوي محمد جاوید خالد ټولو ګډونوالو ته د ښه راغلاست وینا وکړه او د پوهنتون د تقدس، مسؤلیتونو، او اصلاحاتو په اړه یې ارزښتناکې خبرې وکړې.او زیاته یې کړه چې پوهنتون ته مو راتګ باید یوازې د الله پاک د رضا لپاره وي، نه د شخصي یا مادي ګټو لپاره. ټولو کارکوونکو ته لازمه ده چې د نبوي اخلاقو سره سم چلند خپل کړي.
کارکوونکي باید له هر ډول حرامو څخه ځان وساتي او د صداقت، دیانت او امانت اصول مراعات کړي.
او د وخت ارزښت د ادارې د نظم او پرمختګ لپاره باید هر کارکوونکی د خپل وخت ارزښت درک کړي، وظیفو ته پر ټاکلي وخت حاضر شي او خپلې چارې په پوره اخلاص او ښه توګه ترسره کړي.
ښاغلی خالد د پوهنتون د چارو د لا ښه تنظیم او شفافیت لپاره، یو ځانګړی هیئت ته دنده وسپارله، څو د مختلفو آمریتونو او مدیریتونو فعالیتونه وارزوي او پرې نظارت وکړي.
ورپسې د لیلی مدیر ښاغلي ضیاء محمد جلالزی د لیلې لپاره د پیرودل شوو اجناسو اړوند معلومات وړاندې. او د راتلونکي کال لپاره د هغو د کارونې په اړه مفصل بحث وشو.
د پوهنتون د پرمختګ لپاره د ځینو متفرقه موضوعاتو په اړه بحثونه وشول، او د اصلاحاتو، نظم، او شفافیت د لا ښه والي لپاره وړاندیزونه مطرح شول.
د نشراتو او عامه اړیکو عمومي مدیریت
