غزني پوهنتون ته د سمنګان پوهنتون استادانو او اداري کارکوونکو د یو رسمي علمي سفر په ترڅ کې د دغه پوهنتون له علمي او اداري چارو څخه لیدنه وکړه.
قمري نېټه: ربیع الثاني ،۴، ۱۴۴۷ هـ.ق
لمريزه نېټه: مېزان، ۵ ، ۱۴۰۴ هـ.ش
مېلادي نېټه: سپتامبر، ۲۷ ، ۲۰۲۵م
نن ورځ غزني پوهنتون ته د سمنګان پوهنتون یو شمیر استادانو او اداري کارکوونکو د علمي اړیکو د پیاوړتیا او د تجربو د تبادلې په موخه د یاد پوهنتون له علمي او اداري چارو څخه لیدنه وکړه.
په پیل کې د غزني پوهنتون مسؤلینو دغه پلاوي ته د ښه راغلاست او هرکلي ترڅنګ د دوی له دغي لیدنې څخه مننه وکړه او د دواړو پوهنتونونو تر منځ د دوامداره همکارۍ ډاډ یې ورکړ.
د سمنګان پوهنتون استازو د غزني پوهنتون له بیلابیلو اداري چارو او د خپلو تجاربو شریکولو په موخه یې له بیلابیلو اداري شعباتو لیدنه وکړه او د پوهنتون د لاسته راوړنو او پرمختګونو ستاینه یې وکړه او همداراز یې د تلپاتي اړیکو او علمي تجاربو د شریکولو پر اړتیا ټینګار وکړ. هغوی وویل چې دغه ډول علمي سفرونه نه یوازې د پوهنتوني اړیکو د پراختیا لامل کېږي، بلکې د استادانو او کارکوونکو د مسلکي وړتیاوو په لوړولو کې هم رغنده رول لري.
د نشراتو او عامه اړیکو عمومي مدیریت
