د غزني پوهنتون رهبري شورا نوبتي ناسته، د دغه پوهنتون د رئیس الحاج مولوي عبدالواسع منصور تر مشرۍ لاندې ترسره شوه.
یکشنبه : ۲۲/جمادی الاول/۱۴۴۶ه.ق
۴/قوس/۱۴۰۳ه.ش
۲۴/نوامبر/۲۰۲۴م
نن ورځ د غزني پوهنتون د رهبري شورا ناسته، د یاد پوهنتون د عمومي رئیس الحاج مولوي عبدالواسع منصور تر مشرۍ لاندې ترسره شوه. چې پر مهال یې د رهبري غړي، د پوهنځیو رئیسانو صاحبانو او د شورا غړو شتون درلود.
د ناستي پیل د کلام الله په څو مبارکو آیاتونو سره وشو.
ورپسې د پوهنتون عمومي رئیس مولوي صاحب منصور د غونډې ګډونوالو ته ښه راغلاست او هرکلی وویل او د هغوی د صحت او روغتیا پوښتنه یې وکړه؛ همدارنګه یې په چارو کې د ښه اخلاص او ایماندارۍ په اړه خبرې وکړې. او ویې ویل چې ټول کارونه مو باید د الله تعالی (ج) د رضایت او خوښۍ لپاره وي، تر څو پر دنیا او اخیرت کې سرلوړي شو. او الله تعالی (ج) او آمران مو راڅخه خوشحاله شي.
وروسته د اجنډا سره سم د شورا د غړو له لورې د هیواد په پوهنتونونو کې د ترسره کېدونکو ملي کنفرانسونو لپاره د استادانو د مقالو په لېږد، د پوهنځیو د ستراتیژیکو پلانونو په تائید، د ټولو پوهنځیو د ورځنیو چارو څخه نظارت او ارزیابئ، د پوهنځیو د درسي نصاب اړوند کتنې، او په لوړو زده کړو وزارت کې د ۱۴۰۴ ه.ش کال لپاره د نویو پشنهاد شویو بستونو د دفاع، او د دعوت او ارشاد آمریت له لورې د افتخاری درسونو په څرنګوالي، او د کمپیوټر ساینس پوهنځي د بستونو په تعدیل او د استادانو او محصلینو د حاضریو د کتنې او کنټرول ترڅنګ په یو شمېر نورو متفرقه موضوعاتو بحث او خبرې اترې وشوې، او په اړه یې لازمې پرېکړې وشوې.
او ناسته د دعایې په لوستلو سره پایته ورسېده.
د نشراتو او عامه اړیکو عمومي مدیریت
