غزني پوهنتون کې د رهبري شورا ناسته ترسره؛ او د طب، عامه ادارې اوپاليسي پوهنځیو ته د محصلینو پر جذب او یولړ نورو مهمو موضوعاتو بحث او لازمې پریکړې ترسره شوې.
غزني پوهنتون کې د رهبري شورا فوقالعاده ناسته د پوهنتون د عمومي رئیس، مرستیالانو، د پوهنځیو رئیسانو او د اړوندو برخو مسئولینو په ګډون ترسره شوه.
ناسته د قرآن کریم د څو مبارکو آیتونو په تلاوت سره پیل شوه.
ورپسې عمومي رئیس شیخ مولوي عبدالمالک محسن د غونډې ګډونوالو ته ښه راغلاست او د اجنډا په اړه يې معلومات ورسره شریک کړل او له ګډونوالو څخه يې د وخت په نظر کې نیولو غوښتنه وکړه.
وروسته د تېري ناستې پریکړو ته د اطمینان په موخه لنډه کتنه وشوه؛ او همداراز د نوې اجنډا سره سم د محصلینو د نوي بهاري سمیستر درسونو په پیل، د طب، عامه ادارې او پالیسي پوهنځیو ته په راتلونکې کال کې د محصلینو د جذب، او د یادو پوهنځیو فعاله کول، د پوهنتون او پوهنځیو په کتابتونونو کې د رد شویو کتابونو لپاره د کمېټې ټاکل او په مناسب ځاي کې د دغو کتابونو خوندي کولو، د علمي چارو معاونیت له لورې د ترتیب شوې علمي او تحقیقاتي لارښوود د تطبیق، د تحصیلي نصاب کمېټې د ستونزو د مخنیوي په موخه د وړاندیزونو یاداوري، په پوهنتون کې د ساحې د سرسبزه کولو او نیالګیو کېنولو د طرحې تائیدي او د پوهنتون ټولو شعبو او دفترونو ته د ضرورت وړ توکو او اجناسو د وېش اړوند د نیازسنجي کمېټې ټاکلو ترڅنګ په یو شمېر مهمو او متفرقه موضوعاتو بحث او لازمې پریکړې ترسره شوې.
ناسته په دعايې سره پای ته ورسېده.
د نشراتو او عامه اړیکو عمومي مدیریت
نېټه: چهارشنبه
۱۴۴۷هـ.ق، رمضان المبارک ۸ مه
۱۴۰۴هـ.ش، حوت ۶ مه
۲۰۲۶م، فبروري ۲۵ مه
