غزني پوهنتون کې د محصلینو د ټکنالوژیکو مهارتونو د پیاوړتیا او د عصري ټکنالوژۍ له وروستیو پرمختګونو سره د هغوی د بلدتیا په موخه د مصنوعي ځیرکتیا اړوند معلوماتي سمینار ترسره شو.
غزني پوهنتون کې د محصلانو چارو معاونیت له لوري د محصلینو د ټکنالوژیکو مهارتونو د پیاوړتیا او د عصري ټکنالوژۍ له وروستیو پرمختګونو سره د هغوی د بلدتیا په موخه د مصنوعي ځیرکتیا (Artificial Intelligence) یو مهم سمینار ترسره شو.
یاد سمینار د کمپیوټر ساینس پوهنځي د یو تن استاد له لوري وړاندې شو چې پکې د مصنوعي ځیرکتیا د مفهوم، د هغې د کارونې برخې، او د معاصرې نړۍ په بېلابېلو سکتورونو کې د هغې د اغېزو په اړه یې هر اړخیز معلومات وړاندې کړل.
او همداراز یې وویل چې د عصري ټکنالوژۍ، په ځانګړي ډول د مصنوعي ځیرکتیا د مهارتونو زده کړه د محصلینو لپاره د نن او راتلونکي بازار د اړتیاوو د پوره کولو لپاره خورا مهمه ده. ښاغلي استاد زیاته کړه چې دا ډول علمي پروګرامونه کولی شي د ځوانانو د نوښت، خلاقیت او عملي وړتیاوو د لوړولو لپاره اغېزمن رول ولوبوي.
هېره دي نه وي چې د محصلانو چارو معاونیت د محصلینو د ژبنیو، تخنیکي او فکري مهارتونو د پیاوړتیا په موخه زیات شمېر برنامې په لاره اچولې؛ چې زیات شمېر محصلین یې برخوال دي.
د نشراتو او عامه اړیکو عمومي مدیریت
دوشنبه
۱۴۴۷/۰۱/۰۶ هـ.ق
۱۴۰۵/۰۴/۰۱هـ.ش
۲۰۲۶/۰۶/۲۲ م
