غزني پوهنتون کې اقتصاد پوهنځي د لومړي ټولګي محصلینو ته د ښه راغلاست غونډې په ترڅ کې د پوهنتون پیژندنې، تحصیلي نصاب او کریډیټ سیستم سره بلدتیا تر سرلیک لاندې یو ورځنی سمینار وړاندې شو.
قمري نېټه: صفرالمظفر، ۳۰، ۱۴۴۷ هـ.ق
لمريز نېټه: سنبله، ۲ ، ۱۴۰۴ هـ.ش
مېلادي نېټه: اګست، ٢۴ ، ۲۰۲۵م
غزني پوهنتون کې د اقتصاد پوهنځي په نوښت، د لومړي ټولګي محصلینو ته د ښه راغلاست غونډې په ترڅ کې پړهنتون پیژندنې او د تحصیلي نصاب د وضاحت او له کریډیټ سیستم سره د بلدتیا په موخه یو ورځنی سیمینار ترسره شو.
د سیمینار پیل د قرآن کریم د مبارک آیتونو په تلاوت سره وشو.
ورپسې د یاد پوهنځي رئیس پوهنمل وحیدالله امین محصلینو ته د ښه راغلاست تر څنګ د اقتصاد پوهنځي د علمي ارزښت،مسوولیت پیژندنې او وخت ارزښت د زده کړې اړتیا او د محصلینو د راتلونکو زده کړو په اړه خبرې وکړې.
وروسته د دغه پوهنځی استاد نوماند پوهنیار سعیدالله وحدت د اقتصاد پوهنځی د پیژندنې اړوند هر اړخیز معلومات وړاندې کړل. دارنګه د تحصیلي نصاب او کریډیټ سیستم، د مضمونونو د اخیستلو، د ازموینو د څرنګوالي او د علمي کړنلارې په اړه محصلینو ته معلومات وړاندې کړل. دوی ټینګار وکړ، چې د کریډیټ سیستم د محصلینو لپاره د زده کړو ښه فرصتونه برابروي او د نړیوالو معیارونو سره سمون لري.
د نشراتو او عامه اړیکو عمومي مدیریت
