غزني پوهنتون کې د دینی مدارسو له 1080 تنو فارغانو څخه د سويې د تثبیت په موخه ازموینه واخېستل شوه.
ورځ: چهارشنبه
٢٧/شعبان المعظم۱۴۴۶ه ق
٨/ کب / ۱۴۰۳ هـ ق
۲٦/ فبروري / ۲۰۲۵
نن ورځ په غزني پوهنتون کې د دغه ولایت د دیني مدارسو له ۱۰۸۰ تنو فارغانو څخه د خامسه او مافوق الثانویه سويې د تثبیت ازموینه د یو غونډي په ترڅ کي پیل شوه. په غونډه کي د غزني پوهنتون رهبرۍ، استادان، د ازموینو ملي ادارې څخه راغلي پلاوي او د یاد ولایت د پوهنې رئیس او مسؤلینو ګډون درلود.
د غونډي د پیل پرمهال د غزني پوهنتون عمومی رئیس الحاج مولوي عبدالواسع منصور راغلي پلاوي او د ازموینې ګډونوالو ته ښه راغلاست وویل، او دارنګه یې د ازمویني اړوند معلومات له ګډونووالو سره شریک کړل.او زیاته یې کړه، چې دا ورځ ستاسو د زحمتونو او تکلیفونو پایله څرګندوي او دوی ته یې سپارښتنه وکړه، چې خپلې ځواب پاڼې په دقت سره حل کړي او د ازمویني د صحني اصول او مقررات مراعات کړي او له هر ډول نقل کولو څخه ډډه وکړي.
ورپسې د ازموینو ملي ادارې څخه راغلی هئیت په مشرۍ پوهندوي محمد اکبر فایض وینا وکړه. نوموړي د ازمویني د پروسې حاضرینو ته د شفافیت ډاډ وړاندي کړ او زیاته یې کړه چي د امتحاناتو پروسه به د هر ډول درغلۍ څخه پاکه وي او هر امتحان ورکوونکي ته به د خپل استعداد مطابق درجې ورکړل شي.
نوموړي همداراز د غزني پوهنتون د رهبرۍ او همکارانو څخه مننه وکړه، چي همېشه یې د یادي ادارې سره د چارو په تنظیم کي مرسته کړې.
په اخیر کې د فاضلانو په حضور کي د مسؤلینو له لوري د ازمویني صندوقونه خلاص شول او ازموینه په رسمي ډول پیل شوه.
د نشراتو او عامه اړیکو عمومي مدیریت
