د غزني پوهنتون د ژبو او ادبیاتو پوهنځي دانګلیسي ژبي د لومړي صنف محصلینو د میلاد النبي ( ص) د ورځي د لمانځني په موخه ناسته دائره کړه.
دوشنبه: ۲۰/ربیع الاول/ ۱۴۴۶ه.ق
۲/مېزان/۱۴۰۳ه.ش
۲۳/سیپټمبر/۲۰۲۴
نن ورځ د غزني پوهنتون د ژبو او ادیباتو پوهنځي د انګلیسي ژبي د لومړي صنف محصلینو د میلاد النبي ( ص) د ورځي د لمانځني په موخه ناسته دائره کړه چې پکي د یاد پوهنتون عمومي رئیس الحاج مولوي عبدالواسع منصور، د محصلانو چارو مرستیال انجنیر محمد عثمان منیب، د دعوت او ارشاد آمر مولوي نقیب احمد منذر، د استادانو چارو آمر پوهنمل نقیب الله حقاني شتون درلود، غونډه د قرآن پاک په څو مبارکو آیاتونو پیل ورپسې د غزني پوهنتون عمومي رئیس ښاغلي منصور د محصلینو دغه نېکه کړنه وستایله او د جناب رسول اکرم ( ص) په ژوند، خوی او اخلاقو او د اسلام مبارک دین په راتګ کې د هغه د تکلیفونو په اړه خبري اتري وکړې او غوښتنه یې وکړه چې موږ باید خپل ژوند، اعمال، صورت او سیرت او هره کړنه د رسول الله ( ص) د کړنو مطابق وي او په محصلینو یې غږ وکړ چې باید د خپلو ځانو لپاره لوړ اهداف وټاکې او شپه ورځ هڅي او کوښښونه وکړي ترڅو يوڅه لاسته راوړي.
همدارنګه د دعوت او ارشاد آمر ښاغلي منذر هم دغي غونډي ته په وینا کې د محصلینو د دغې کړني د ستایني ترڅنګ د رسول الله ( ص) د ژوند په طریقه او د هغه د اخلاقو او کړنو په اړه د وینا ترڅنګ غوښتنه وکړه چې باید هره کړنه مو د رسول الله ( ص) د کړنو مطابق او د هغه په طریقه عمل او پیروي یې وکړو.
په پای کې د محصلانو چارو مرستیال انجنیر محمد عثمان منیب د میلاد النبي ( ص) ورځي د لمانځني او د رسول اکرم ( ص) د ژوند او د هغه په خوی او اخلاقو په اړه خبري وکړې او زیاته یې موږ باید د حضرت محمد مصطفی ( ص) صفات په خپلو ځانو کې راولو او د ژوندانه او کړنو مطابق یې خپل ژوندونه او چاري مخته یوسو.
او یاده غونډه د دعایې په لوستلو سره پایته ورسېده.
د نشراتو او عامه اړیکو عمومي مدیریت
