غزني پوهنتون کې د ټولو پوهنځیو د لومړیو ټولګیو محصلینو ته د ژوند له ستونزو او فشارونو سره د مبارزې تر سرلیک لاندې معلوماتي وړاندې شو.
د غزني پوهنتون د ټولو پوهنځیو د لومړیو ټولګیو محصلینو ته د «ژوند له ستونزو او فشارونو سره د مبارزې» تر سرلیک لاندې معلوماتي سمینار وړاندې شو.
د سمینار د پیل پرمهال عمومي رئیس شیخ مولوي عبدالمالک محسن محصلینو ته په ټینګار سره وویل چې د دیني او عصري علومو په زده کړه کې زیاتي هلې ځلې وکړي او وخت بې ځایه ضایع نه کړي او ترڅنګ یې خپل صورت او سېرت په شرعي طریقه برابر کړي له بې ځایه رخصتیو څخه ډډه وکړي او د خپلو استادانو قدر او احترام وکړي.
وروسته د ښوونې او روزنې پوهنځي استاد پوهنمل حسن خان درمل محصلینو ته د ژوند له بېلابېلو ستونزو او فشارونو سره د سالمې مقابلې، د ستونزو د حل لارو، مثبت فکر، د وخت د سم مدیریت او د زدهکړو ترڅنګ د متوازن ژوند د ساتنې په اړه ګټور معلومات وړاندې کړل.
د یاد سمینار موخه د محصلینو د پوهاوي لوړول، د ورځنیو ستونزو پر وړاندې د سالم چلند پیاوړتیا او هغوی ته د دې زمینه برابرول وو، چې له فشارونو سره په هوښیارۍ او مثبت لیدلوري چلند وکړي.
د نشراتو او عامه اړیکو عمومي مدیریت
چهارشنبه
۱۴۴۸/۰۴/۱۰ هـ.ق
۱۴۰۵/۰۷/۰۱ هـ.ش
۲۰۲۶/۰۹/۲۳م
