غزني پوهنتون کې د مالي او تدارکاتي کمېټې ناسته د پوهنتون د عایداتي سرچینو د زیاتوالې په موخه ترسره کړه.
غزني پوهنتون کې د مالي او تدارکاتي کمېټې ناسته د مالي او اداري چارو د مرستیال الحاج شیخ عبدالهادي ذوالهادي په مشرۍ او ټولو غړو په ګډون ترسره شوه.
ناسته د قرآن عظیمالشان د مبارکو آیتونو په تلاوت سره پیل شوه. ورپسې شیخ صاحب د ناستې پر اهمیت خبرې وکړې او د کمېټې په کاري، تطبیقي پلانونو او د عایداتې سرچینو د زیاتوالې په اړه یې هر اړخیز خبرې وکړي.
وروسته د تېرې ناستې پر اجنډا بیاکتنه وشوه او همداراز د نوې اجنډا له مخې پر یو شمېر مهمو موضوعاتو بحث ترسره شو، چې د پوهنتون د عایداتي د زیاتوالې ترڅنګ پکې د دغي کمېټې د ۱۴۰۵ کال لپاره د کاري پلان، د ناستو مهالوېش، د عوایدو پلان تائیدي، د مالي او حسابي آمریت د تطبیقي پلان تائیدی، او د تدارکاتو آمریت د کاري پلان تائیدی ترڅنګ پر یو شمېر نورو اړینو مسایلو هم بحثونه او لازمې پرېکړې تر سره شوې.
د نشراتو او عامه اړیکو عمومي مدیریت
نېټه: يکشنبه
۱۴۴۷هـ.ق، شوال المکرم ٢٥ مه
۱۴۰۵هـ.ش، حمل ٢٣ مه
۲۰۲۶م، اپریل١٢مه
