غزني پوهنتون کې د ستراتیژیک پلان کمېټې د ۱۴۰۵ هـ ش کال لومړنۍ ناسته ترسره کړه.
غزني پوهنتون کې د علمي چارو مرستیال مولوي محمد حیدر حمزه په مشرۍ د ستراتیژیک پلان کمېټې د ۱۴۰۵ه ش کال لومړنۍ ناسته ترسره کړه.
ناسته د قرآن کریم د مبارکو آیتونو په تلاوت سره پیل شوه. وروسته د علمي چارو مرستیال ګډونوالو ته د ناستې د اهمیت په اړه خبرې وکړې او ټینګار یې وکړ چې د ګډ کار او همغږۍ له لارې کولای شي ټاکل شوو موخو ته پرخپل وخت ورسېږي.
د غونډې په دوام کې د تېرې ناستې پرېکړې وارزول شوې ، ورپسې د نوې اجنډا له مخې پر یو شمېر مهمو موضوعاتو بحث وشو، چې پکې د ستراتیژیک پلان د کمېټې د غړو د کاري پلان تأیید، د ۱۴۰۴ کال کلني راپور وړاندې کول، او د ۱۴۰۵ کال لپاره د کمېټې د کاري مهالوېش ترتیب ترڅنګ پر ځینو متفرقه موضوعاتو هم بحث او لازمي پریکړي ترسره شوې
.
د نشراتو او عامه اړیکو عمومي مدیریت
نېټه: سه شنبه
۱۴۴۷هـ.ق، شوال المکرم ۲۰ مه
۱۴۰۵هـ.ش، حمل ۱۸ مه
۲۰۲۶م، اپریل ۷ مه
