غزني پوهنتون کې یو شمېر محصلینو ته د نشه یې توکو د زیانونو او د مخنیوي لارو چارو باندي د عامه پوهاوي اړوند معلوماتي سمينار ترسره شو.
غزني پوهنتون کې د محصلانو د چارو معاونيت اړوند د روانې مشاورې مرکز له لوري یو شمېر محصلینو ته د نشه يي توکو د زیانونو او د انسان په روغتيا باندې داغېزو باندې د عامه پوهاوي معلوماتي سمينار ترسره شو.
دغه سمینار د ښوونې او روزنې پوهنځي د بیولوژي څانګې استاد، پوهنمل حبيب الله پائیز له لوري وړاندې شو چې پکي محصلینو ته د نشه يي موادو د ډولونو، د مخنیوي پر لارو چارو او د انسان په جسمي او رواني اغېزو باندي یې تفصيلي معلومات وړاندې کړل. نوموړي څرګنده کړه چې د نشه يي موادو کارول نه يوازې د انسان فزيکي روغتيا له منځه وړي، بلکې د هغه ذهني، کورني او ټولنيز ژوند پر بېلابېلو اړخونو ژور منفي اغېز کوي.
د سيمينار ګډونوالو د موضوع په اړه پوښتنې وکړې او د سالم ژوند د ارزښت او د نشه يي موادو د مخنیوي په اړه ګټور بحثونه ترسره شول.
د نشراتو او عامه اړیکو عمومي مدیریت
چهارشنبه، ۱۵، ربیع الثاني،۱۴۴۷هـ.ق — ۱۶، مېزان، ۱۴۰۴ هـ.ش
