غزني پوهنتون کې له (٥٩٧) تنو علماوو څخه د ثانویه او مافوق ثانويه درجو علمي سویې تثبیت د ازموینې په موخه د بایومتریک بهیر په منظم ډول پیل شو.

قمري نېټه: ربیع الثاني ،٢، ۱۴۴۷ هـ.ق
لمريزه نېټه: مېزان، ٣ ، ۱۴۰۴ هـ.ش
مېلادي نېټه: سپتامبر، ٢٥ ، ۲۰۲۵م 

 غزني پوهنتون کې د ازموینو ملي ادارې له لوري له (۵۹۷) تنو علماوو څخه د ثانويه او مافوق ثانويه درجو علمي سویو تثبیت د ازموینې په موخه د بایومتریک بهیر په خورا منظم او شفاف ډول پیل شو.
دغه بهیر د ازموینو ملي ادارې د راغلي پلاوي او تخنیکي ټیم او د غزني پوهنتون مسؤلینو په ګډه همکارۍ د عدلي، تعلیمي او اداري اصولو پر بنسټ پر مخ ځي، چې موخه یې د ازموینې شفافیت، د ګډونوالو د هویت کره توب، او د هر ډول احتمالي ستونزو مخنیوی دی، تر څو دغه ازموینه په منظم او روڼ ډول ترسره شي.
د ازموینې هدف د علماوو د علمي سویې تثبیت، د اسنادو کره توب، او د علمي نظام د لا پیاوړتیا په برخه کې یو مهم ګام ګڼل کېږي.
ګډونوالو علماوو هم له دغه بهیر څخه د خوښۍ څرګندونه وکړه او ټینګار یې وکړ چې د بایومتریک سیستم د دوی د علمي هڅو د ساتنې او د ازموینې د عادلانه ترسره کېدو لپاره اغېزمنه وسیله ده.

د یادونې وړ ده چې دغه ازموینه به د غزني پوهنتون او ازموینو ملي ادارې په ګډه همکارۍ د جمعې په ورځ ترسره شي. 

د نشراتو او عامه اړیکو عمومي مدیریت