غزني پوهنتون کې د کرنې پوهنځي د څلورم ټولګي محصلینو ته د آنلاین کتابخانې پیژندنې، او معتبرو سرچینو اغېزمن کارولو تر سرلیک لاندې معلوماتي سمینار وړاندې شو.
ورځ: پنج شنبه
۲۲/ذالحجه/ ۱۴۴۶ه ق
۲۹/ جوزا / ۱۴۰۳ هـ ش
۱۹/ جون / ۲۰۲۵ ميلادي
تېره ورځ په غزني پوهنتون کې د کرنې پوهنځي د الکترونیکي زده کړو فرعي کمېټې په نوښت د یاد پوهنځي د استاد ښاغلي پوهندوی احسان الله کامران له لوري د څلورم ټولګي محصلینو ته د آنلاین کتابخانو، باوري منابعو پېژندنه او اغېزمن کارولو تر عنوان لاندې یو ورځنی علمي او معلوماتي سمینار وړاندې شو.
په دغه سمینار د ښاغلي کامران له لوري محصلینو ته د آنلاین کتابخانو، علمي معتبرو منابعو هر اړخیزه پيژندنه او د معتبرو علمي منابعو ځانګړنې، د آنلاين کتابخانو او معتبرو علمي منابعو اغیزمن کارولو اړوند مکمل معلومات شریک او د پورتنیو موضوعاتو اهمیت ورته په ډاګه شول.
د یادونې وړده چې په دغه سمینار کې د کرنې پوهنځي د ۶۰ تنه په شاو او خواکې د څلورم ټولګي محصلینو برخه اخیستي وه.
د نشراتو او عامه اړیکو عمومي مدیریت
