غزني پوهنتون کې د کرنې پوهنځي د دریم او څلورم ټولګي محصلینو ته د غوره علمې څېړنو د ترسره کولو په موخه د پروپوزل لیکنې اړوند معلوماتي سمینار ترسره شو.
غزني پوهنتون کې د کرنې پوهنځي د درېیم او څلورم ټولګي محصلینو د علمي او څېړنیزو ظرفیت لوړولو په موخه، د پروپوزل لیکنې اړوند علمي او څېړنیز سمینار ترسره شو.
دغه سمینار چې د کرنې پوهنځي استاد ښاغلي پوهندوی محمد مسعود نیکنام له لوري وړاندې شو؛ محصلینو ته یې د څېړنیز پروپوزل د اهمیت، د څېړنیزې موضوع د ټاکلو، د سرلیک، شالید، څېړنیزې ستونزې، موخو، پوښتنو، میتودولوژۍ، د علمي سرچینو د موندلو او حواله ورکولو او د پروپوزل د معیاري جوړښت په اړه اړین معلومات او عملي لارښوونې وړاندې کړې.
د سمینار موخه د محصلینو د څېړنیزو مهارتونو پیاوړتیا، د معیاري پروپوزل لیکنې له اصولو سره د هغوی بلدتیا او د راتلونکو علمي څېړنو لپاره د هغوی لا ښه چمتووالی و.
د یادونې وړ ده چې غزني پوهنتون د محصلینو د علمي او څېړنیزو وړتیاوو د لوړولو په موخه د ورته علمي او مسلکي پروګرامونو ترسره کولو ته دوام ورکوي.
د نشراتو او عامه اړیکو عمومي مدیریت
پنج شنبه
۱۴۴۸/۰۳/۲۰ هـ.ق
۱۴۰۵/۰۶/۱۲ هـ.ش
۲۰۲۶/۰۹/۰۳م
