غزني پوهنتون کې د کرنې پوهنځي استادانو او محصلینو ته د «نوښت او ابتکار» تر سرلیک لاندې روزنیز او معلوماتي سمینار ترسره شو.

تېره ورځ په غزني پوهنتون کې د کرنې پوهنځي استادانو او محصلینو ته د «نوښت او ابتکار» تر عنوان لاندې روزنیز او معلوماتي سمینار ترسره شو.

دغه سمینار چې د یاد پوهنځي استاد ښاغلي پوهندوی احمد رضا صالحې له لوري وړاندې شو پرمهال یې استادانو او محصلینو ته د نوښت او ابتکار پر ارزښت، د نوښتګر فکر پر رامنځته کولو، د ستونزو لپاره د نوو او اغېزمنو حل‌لارو موندلو، د علمي او مسلکي پرمختګ په برخه کې د ابتکار پر رول او د محصلینو د وړتیاوو د پیاوړتیا په اړه هر اړخیز معلومات وړاندې کړل.

همدارنګه ګډونوالو ته د نوښتګرو نظریاتو د رامنځته کولو او په عملي چارو کې د هغو د پلي کولو لارې چارې تشریح شوې او د استادانو او محصلینو له لوري په دې برخه کې نظرونه او تجربې شریکې شوې.

د سمینار موخه د نوښتګر فکر پیاوړتیا، د استادانو او محصلینو د ابتکار وړتیا لوړول او د علمي او مسلکي چاپېریال د لا پرمختګ لپاره د نوو نظریاتو هڅول وو.

د نشراتو او عامه اړیکو عمومي مدیریت

پنج شنبه

۱۴۴۸/۰۳/۲۰ هـ.ق

۱۴۰۵/۰۶/۱۲ هـ.ش

۲۰۲۶/۰۹/۰۳م