غزني پوهنتون کې د ښوونې او روزنې پوهنځي د لومړي او دوهم ټولګي ۷۱ تنه محصلینو ته د آنلاین کتابتون، هیمیس سیستم او ګوګل حساب جوړولو اړوند یو ورځنی معلوماتي سمینار ترسره شو.
قمري نېټه: ربیع الاول ،٢٤، ۱۴۴۷ هـ.ق
لمريز نېټه: سنبله، ٢٦ ، ۱۴۰۴ هـ.ش
مېلادي نېټه: سپتامبر، ١٨ ، ۲۰۲۵م
نن ورځ په غزني پوهنتون کې د ښوونې او روزنې پوهنځي د لومړي او دوهم ټولګي ۷۱ تنه محصلینو ته د آنلاین کتابتون، هیمیس سیستم او ګوګل حساب جوړولو په موخه یو ورځنی معلوماتي سمینار ترسره شو.
یاد سمینار د محصلینو د معلوماتي او تخنیکي وړتیاوو د لوړولو په موخه جوړ شوی و، څو محصلین وکولای شي د نوې ټکنالوژۍ له لارې د درسي سرچینو څخه ښه ګټه واخلي او د پوهنتوني چارو لپاره اړین برېښنایي خدمات په خپلواکه توګه وکاروي.
دغه سمینار د ښوونې او روزنې پوهنځي د استاد پوهنیار مصطفی رحیمي له لوري وړاندې شو. ښاغلي رحیمي د انټرنېټي کتابتون د کارونې عملي لارې چارې، د هیمیس سیستم د ثبت او ګټې اخیستنې څرنګوالی، او د ګوګل حساب جوړولو ګام په ګام پروسه محصلینو ته په تفصیل سره وښودله.
محصلینو د سیمینار له پای وروسته د یادو موضوعاتو په اړه خپلې پوښتنې مطرح کړې او د استاد له لوري ورته لازمې لارښوونې ورکړل شوې. او دغه پروګرام یې د خپل علمي پرمختګ او تخنیکي وړتیاوو د لوړولو لپاره ګټور وباله.
د نشراتو او عامه اړیکو عمومي مدیریت
