غزني پوهنتون کې د چاپیریال ساتنې او نشه یی توکو سره د مبارزې کمېټې ناسته د چاپیریال ساتنې په تړاو د عامه پوهاوي سمینارونو د تدویراو نشه یې توکو سره د مبارزې په موخه تر سره شوه.
قمري نېټه: محرم الحرام ۱۳، ۱۴۴۶ هـ.ق
لمريز نېټه: سرطان ۱۸، ۱۴۰۴ هـ.ش
مېلادي نېټه: جولای ۹، ۲۰۲۵م
غزني پوهنتون کې د چاپېریال ساتنې او د نشهيي توکو پر وړاندې د مبارزې کمېټې ناسته د څېړنو او علمې مجلې د مرستیال پوهندوی احسان الله کامران په مشرۍ او ټولو غړو په شتون کې ترسره شوه.
چې پکې د چاپېریال د پاک ساتلو، د شنو ساحو د پراختیا، د چاپیریال ساتنی اړوند د عامه پوهاوي د لوړولو علمي سمینارونو په تدویر، او د نشهيي توکو د ناوړه اغېزو په اړه خبرې وشوې. ګډونوالو د پوهنتون په کچه د پوهاوي پروګرامونو د پیل، د محصلینو د فعاله ګډون، او د کوکنارو بدیل کښت ترڅنګ په یوشمېر متفرقه مسأیلو بحث او لازمي پریکړي وشوې.
همدا راز د غونډې ګډونوالو ټینګار وکړ چې چاپېریال ساتنه او د نشهيي توکو مخنیوی یوازې د دولت کار نه دی، بلکې ټولنه، په ځانګړي ډول ځوان نسل باید پکې فعاله ونډه واخلي.
د کمېټې مسؤولینو څرګنده کړه چې دا ډول ناستې به دوامداره وي، څو همکاري او همغږي پیاوړې شي، او د یوه سالم او پاک چاپېریال لپاره ګډ اقدامات ترسره شي.
د نشراتو او عامه اړیکو عمومي مدیریت
