غزني پوهنتون کې د (ځوان نسل فکري روزنې کتاب) سیالۍ د ترسراوي په موخه ځانګړې کمېټه جوړه او د کمېټې غړو ته د سیالۍ د ښه ترسره کولو په موخه ځانګړي مسؤلیتونه وسپارل شول.
قمري نېټه: ربیع الاول ،٢٣، ۱۴۴۷ هـ.ق
لمريز نېټه: سنبله، ٢٥ ، ۱۴۰۴ هـ.ش
مېلادي نېټه: سپتامبر، ١٦ ، ۲۰۲۵م
غزني پوهنتون کې د محصلانو چارو معاونیت تر چتر لاندې د «ځوان نسل فکري روزنې کتاب » سیالۍ د ترسره کولو په موخه ځانګړې کمېټه جوړه او د کمېټې غړو ته دندې ورکړل شوې ترڅو د دغه کتاب په ارزښت او اهمیت ټول محصلین وپوهول شي او په سیالۍ کې په پراخه پیمانه ګډون ترسره کړي. او دارنګه د سیالۍ په جوړښت، منظموالې او شفاف ترسراوي اړوند بحث او لازمي پریکړي وشوې چې پکې د پلان جوړونه، د محصلینو نوملیکنه او د ګډونوالو ارزونه چمتووالی شامل دي.
د محصلانو چارو معاونیت مرستیال وايي، دا سیالي به د محصلینو فکري استعدادونه پیاوړي کړي، د نوښت روحیه به یې وده ومومي او د سالمې سیالۍ فرهنګ به پراخ کړي.
دا اقدام د دې لپاره ترسره کېږي چې د محصلینو ترمنځ د مطالعې فرهنګ پیاوړی، فکري استعدادونه او تحلیلي مهارتونه لا پسې وغوړېږي، او د سالم رقابت روحیه لا قوي شي.
د نشراتو او عامه اړیکو عمومي مدیریت
