غزني پوهنتون کې د مسلکي پرمختګ کمېټې کلنۍ ناسته ترسره شوه.
قمري: ١٦ رمضان المبارک ۱۴۴۶
لمریز: ٢٦ کب (حوت) ۱۴۰۳
میلادي: ١٦ مارچ ۲۰۲۵
د غزني پوهنتون د مسلکي پرمختګ کمېټې کلنۍ ناسته د علمي چارو مرستیال، محترم مولوي محمد حیدر حمزه په مشرۍ ترسره شوه، چې د یادي کمېټې ټولو غړو پکې ګډون درلود.
ناسته د کلام الله له مبارکو آیتونو څخه د تلاوت په ویاړ پیل شوه. ورپسې د علمي چارو مرستیال، ښاغلي حمزه، د ناستې درنو ګډونوالو ته د ښه راغلاست وینا وکړه.
نوموړي د مسلکي پرمختګ آمریت د کړنو او لاسته راوړنو ستاینه وکړه او د هغوی د هڅو قدرداني یې وکړ.
ورپسې د یاد آمریت آمر احمد رضا صالحي په روان کال کې د ترسره شویو برنامو تفصیل وړاندې کړ. همداراز، هغه برنامې چې د تطبیق لپاره پلان شوې وې، خو نه وې ترسره شوې، وڅېړل شوې، او پرېکړه وشوه چې په راتلونکي کال کې به پلي شي.
تر څنګ، په یو شمېر متفرقه موضوعاتو هم بحث وشو او د اړوندو مسایلو په اړه نظرونه تبادله شول.
ناسته د دعا په ویلو سره پای ته ورسېده.
نشراتو او عامه اړیکو عمومي مدیریت
