غزني پوهنتون کې د مسلکي پرمختګ آمریت له لوري د یاد پوهنتون استادانو او اداري کارکوونکو ته د پلان اصولو اړوند یو ورځنی سیمینار وړاندې شو.
قمري: ١٧ رمضان المبارک ۱۴۴۶
لمریز: ٢٧ کب (حوت) ۱۴۰۳
میلادي: ١٧ مارچ ۲۰۲۵
غزني پوهنتون کې د مسلکي پرمختګ آمریت له لوري، د یاد پوهنتون استادانو او اداري کارکوونکو ته د پلان اصول او د پلان ډولونه اړوند یو ورځنی سیمینار د یاد پوهتنون د اقتصاد پوهنځي استاد پوهنمل احسان الله سعید له لوري وړاندې شو.
سیمینار ته د پوهنتون د بیلابیلو پوهنځیو استادانو، اداري کارکوونکو او د مسلکي پرمختګ آمریت اړوندو مسئولینو ګډون کړی و.
چې پکې د پلان جوړونې اساسي اصول، د لنډ مهاله، منځمهاله او اوږدمهاله پلانونو توپیرونه، د مؤثر پلان جوړونې ګامونه، د پلان عملي کولو مهم عناصر، او د بریالي مدیریت لپاره د پلان ارزښت ته اساسي پاملرنه وشوه.
د یاد سیمینار موخه دا وه، چې د پوهنتون استادان او اداري کارکوونکي د پلان جوړونې پر اصولو، د هغې پر عملي تطبیق او د مؤثرې ادارې پر اړتیاوو ښه وپوهېږي، ترڅو وکولی شي د خپلو مسوولیتونو په ښه ترسره کولو کې د پلان جوړونې له مفاهیمو څخه مؤثره استفاده وکړي.
ناسته د دعا په ویلو پای ته ورسېدله.
د نشراتو او عامه اړېکو عمومي مدیریت
