غزني پوهنتون کې د مالي او اداري چارو معاونیت تر چتر لاندې اداري ناسته ترسره شوه.
غزني پوهنتون کې د مالې او اداري چارو د مرستیال الحاج شیخ عبدالهادي ذوالهادي په مشرۍ؛ د ادارې نظم، د کارونو په ټاکلي وخت ترسراوي په موخه اداري ناسته ترسره شوه. په دغه ناسته کې د یاد معاونیت اړوند ټولو کرکوونکو ګډون کړی وو.
چې پیل یې د قرآن کریم په مبارکو آیتونو سره وشو.
وروسته شیخ صاحب له ټولو کارکوونکو د خپلو کارونو پر خپل وخت ترسره کولو غوښتنه کړه دارنګه یې د تېري اونۍ د ناستي پریکړو ته د کتنې ترڅنګ د ورسپارل شویو کارونو د ترسراوي پوښتنه یې وکړه؛ او په ننۍ ناسته کې بیاهم هر کارکوونکي ته په خپله برخه کې دندې ورکړل شوې څو یې په روانې اونۍ کې یې ترسره او کاري راپورونه یې په راتونکې ناسته کې له دغه معاونیت سره شریک کړي.
د یادونې وړده چې د مالي او اداري چارو معاونیت د کارونو د ښې همغږۍ او پر وخت ترسراوي په موخه هره اونۍ اداري ناسته ترسره کوي.
د نشراتو او عامه اړیکو عمومي مدیریت
شنبه ، ۱ جمادی الثاني ۱۴۴۷ هـ.ق— ۱ قوس ۱۴۰۴ هـ.ش
