غزني پوهنتون کې د علمي شورا نوبتي ناسته ترسره او په یولړ مهمو موضوعاتو بحث او لازمې پریکړې ترسره شوې.
غزني پوهنتون کې د علمي شورا نوبتي ناسته د پوهنتون د علمي چارو د لا پرمختګ، د درسي پروګرامونو د همغږۍ په موخه ترسره شوه.
د ناستې پیل د قرآن پاک په مبارکو آیتونو سره وشو.
وروسته د تیري ناستې پریکړو ته د اطمینان د حاصلېدو په موخه لنډه کتنه وشوه.
او همدراز د نوي اجنډا مطابق د محصلانو چارو مرستیال د ۱۴۰۴هـ ش کال د HEMIS سیستم او د فارغانو د فراغت جدولونو راپور وړاندې کړ او ترڅنګ يې د ښوونې او روزنې پوهنځي رئیس د یاد پوهنځي د تېر سمیستر راپور وړاندې کړ او همدرانګه د پوهنتون د سرسبزه کولو او شنو ساحو د پراخولو لپاره د يوې فني کمېټې ایجاد او د پوهنځیو د تحصیلي نصاب او د تضمین کیفیت آمریت د آمر له لورې د ۱۴۰۳هـ ش کال د څانګو د دوره یې بیا کتنې راپور د تائیدي ترڅنګ په یو شمېر نورو مهمو او متفرقه موضوعاتو بحث او لازمې پریکړې ترسره شوې.
ناسته په دعایې ویلو سره پای ته ورسېده.
د نشراتو او عامه اړیکو عمومي مدیریت
نېټه: سه شنبه
۱۴۴۷هـ.ق، د شعبان ۲۹ مه
۱۴۰۴هـ.ش، د دلوې ۲۸ مه
۲۰۲۶م، د فبروري ۱۷ مه
